දිදුලන අනේක වර්ණයෙන්
ගැවසෙන විශ්වකර්ම සිත්තමෙන්
මහ මග අද්දර
එලූ පැදුරේ
දුහුවිලි පරයමින්
පොපියන කුසුම් පලසින්
ගෙවා සොච්චමක් බරපැන
පොකුරක් දෙකක් ගෙනයන
පින්වතුන් කව්රුන්ද
සරසන්නට විසල් මහල් ප‍්‍රාසාදවල
ලොවට නොපෙනෙන ආලින්ද, කුටි, කාමර?
නොබලා කල් වේලා
සනසන්නට සුමුදු සිත් සතන්
පුරවර සුරපුරට
නෙක කුසුම් බෙදා දෙන සැමදා
වැලිකතරක් වන්
ඔබේ දිවියේ
කවදා නම් පිපේවිද
කුසුම්?
නව දිල්ලිය, 16 දෙසැම්බර් 2011
No comments:
Post a Comment